ಮುಂಜಾನೆ ಮಿಂದು,
     ಮೆದುವಾದ ಮುಂಗುರುಳ,
ಮಲಗಿರುವ ನನ್ನ ಮುಖದ
    ಮೇಲೆ ಮುತ್ತಿಸುತ್ತಾ,
ಶುಭೋದಯ ಹಾಡುವ
   ಗೆಳತೀ ನಿನ್ನ ಮುಂಗುರುಳಿಗೊಂದು ಪ್ರಣಾಮ...


ಅಪ್ಪಿ ಮುದ್ದಾಡುತ್ತಾ
      ಕಚಗುಳಿಯಿಡುವ,
ನಿನ್ನ ಕೂದಲ ಕತ್ತಲೊಳಗೆ
      ಕಳೆದು ಹೋಗುವ ನನ್ನ,
ಹುಡುಕುವ ನಿನ್ನ ಕಣ್ಣಿನೊಳಗೆ,
      ನನಗೆಂದು ಮಿಂಚುವ
ಪ್ರೀತಿಗೊಂದು ಪ್ರಣಾಮ.....


ನಿನ್ನ ಕೆನ್ನೆಯೊಂದಿಗೆ
    ಮುದ್ದಾಡುವ ನನ್ನ,
ತುಟಿಗಳ ಕಡೆ
    ಆಸೆಯಿಂದ ದಿಟ್ಟಿಸುವ
ನಿನ್ನ, ಅರೆ ಮುಚ್ಚಿದ
   ರೆಪ್ಪೆಗೊಮ್ಮೆ ತುಟಿಯನ್ನೊತ್ತಿ,
ಪೂರ್ತಿ ನಿನ್ನ ಕಂಗಳ ಮುಚ್ಚಿ
    ನಿನ್ನೊಳಗೆ ಒಂದಾಗಿ,
ನನಗೆ ನನ್ನೇ ಮರೆಸುವ
   ನಿನ್ನ ಈ ಪ್ರೀತಿಗೊಂದು ಪ್ರಣಾಮ......