ಸುಮ್ಮನೆ ದಿಟ್ಟಿಸಿ

ಕಣ್ಣಿನಲ್ಲೇ ಮುದ್ದಿಸಿ,

ಎದೆಯಲ್ಲೀಗ ಹುಚ್ಚು ವ್ಯಾಮೋಹ..

ನಿನಗೇ ಗೊತ್ತಿಲದೇ

ದೂರದಲ್ಲೊಂದು ದೇಗುಲದಲ್ಲಿ,

ಖಾಲಿ ಕೈ ಭಗೀರನಿಂದ

ನಿನ್ನೆಡೆಗೆ ನಿತ್ಯ ಆರಾಧನೆ..

ಆ ದೇಗುಲ ನನ್ನೀ ಹೃದಯ,

ಸದಾ ನಿನ್ನ ಹೆಸರು ಭಜಿಸುವ ನಾನು

ಜೋಳಿಗೆ ತುಂಬಾ ಕನಸು ಹೊತ್ತಿರುವ  ಭಗೀರ...

ಗಾಜಿನೊಳಗಿಟ್ಟ ಹೂವನ್ನು

ದಿಟ್ಟಿಸಿ,ಆಸೆಯಿಂದ ಸುತ್ತಿ

ಒಂದು ಕ್ಷಣಕ್ಕಾದರೂ

ಸಿಕ್ಕೇ ಸಿಕ್ಕೀತೆಂಬ

ನಂಬಿಕೆಯಿಂದ ಹಾರಾಡುವ

ದುಂಬಿಯಂತೆ ನಾನು..

ಒಳಗಡೆಯಿದ್ದು

ಅವ್ಯಾಹತ ಮುಗುಳ್ನಗೆ ಬೀರುತ್ತಾ

ಸಮ್ಮತಿಯೋ,ಅಸಮ್ಮತಿಯೋ

ತಿಳಿಸದೇ ಬದುಕುವ ಹೂವು ನೀನು...