ನೀನೆಲ್ಲಿ

ಬಂದು ಮಲಗಿದಂತೆ ಮಲಗಿರುವ

ನನ್ನ ನೋಡಿ, ಸುಮ್ಮನೆ ಒಮ್ಮೆ

ನಕ್ಕು,

ಕೂದಲನೊಮ್ಮೆ ನೇವರಿಸಿ,

ಹೃದಯಗಳಿಗೆ ಮಾತ್ರ ಕೇಳುವಷ್ಟು

ಸಪ್ಪಳದೊಂದಿಗೆ

ಹಣೆಗೊಮ್ಮೆ ತುಟಿ ತಾಗಿಸಿ,

ನಿನ್ನ ಸಂಭ್ರಮವೆಲ್ಲ ಆ ಸ್ಪರ್ಶದಲ್ಲಿ

ತೋರ್ಪಡಿಸಿಕೊಂಡ ಖುಷಿಯಲ್ಲಿ ನೀ

ಹಿಂತಿರುಗಿ ಹೊರಟಾಗ,

ಇಷ್ಟು ಮಾತ್ರದ ಪ್ರೀತಿಗೆ

ಹುಚ್ಚನಾಗಿ, ನಿದ್ರಿಸಿದಂತೆ ನಟಿಸುವ

ಪ್ರೀತಿಯ ಮುದ್ದೆ

ಮನ, ಮತ್ತು ನಾನು,

ಕಳೆಯುವ ಸಂಜೆಗಳಿಗೊಂದಿಷ್ಟು

ಹೆಸರಿಟ್ಟಿರುವೆ,

’ನೀನು’ ಎಂದರೆ ಸಾಕಲ್ಲವೆ...!!